Umuryango wa adjudant Eddy Claude Nyongera, wari umusirikare w’u Burundi utangaza ko na n’ubu inzego za Leta zabimye umurambo we ngo bamushyingure.

adjuda-2

Uyu muryango uvuga ko wagombaga guhabwa urupapuro (Attestation de décès) n’urwego rw’iperereza, rusobanura iby’urupfu rwe n’uko yapfiriye muri urwo rwego ariko kugeza nubu bakaba batararuhabwa.

Byatangajwe ko uyu musirikare yafashwe mu gitondo cyo ku wa Kane tariki ya 15 Nzeli, n’urwego rushinzwe iperereza ashinjwa guhungabanya umutekano w’igihugu, nyuma ya saa sita bitangazwa ko yiyahuye yiteye gerenade anapfira mu maboko yabo.

Nyuma y’urupfu rwe, amakuru yagiye ahwihwiswa ko yakorewe iyica rubozo(torture) bagamije kumukuramo amakuru, nyuma yo kubona ko afite ibikomere byinshi ko bishobora kugaragara nabi imbere y’inzego zishinzwe uburenganzira bwa muntu ngo bahitamo kumutega gerenade iramuhitana.

Kuba umuryango we wimwa umurambo, benshi bakaba babifata nkaho byaba bifitanye isano n’urwo rupfu rwe, umwe mu baturage batanze igitekerezo yagize ati: “Abo bapolisi barabeshya nibo bamwishe, iyo ashaka kwiyahura yari gufata grenades 2, iya mbere akayitera neza izo nkozi zikibi zaba polisi hanyuma iya kabiri akayitera akaba akoze mission ya kigabo”.

Undi nawe yagize ati: “Erega bamwishe kabiri. None ko Si Nkurikiye yitanganije kuvugira SNR kdi atariwe yarabijejwe, yibaza ko ariko akingera ikibaba Steve ? Batinya gusinya attestation de décès ?Et pourtant yapfiriye mwiperereza yishwe nakagwi gakorera Nkurunziza muri wamugambi wa kamwe kamwe”.

Adjudant Nyongera Eddy Claude yabaga muri zone ya Buterere, mu komine Ntahangwa, mu gisagara cya Bujumbura, akaba yakoreraga mu biro bikuru bya gisirikare (Etat-Major).

Musubize