Perezida wa Repubulika y’u Rwanda, Paul Kagame, akaba n’Umugaba w’Ikirenga w’Ingabo z’u Rwanda yakoze impinduka mu ngabo z’u Rwanda, bamwe bahabwa imyanya mishya y’ubuyobozi mu ngabo.

Major General Jean-Jacques Mupenzi yazamuwe mu ntera, ajya ku ipeti rya Lieutenant General, agirwa Umugaba Mukuru w’Ingabo zirwanira ku butaka (Army Chief of Staff).

Lieutenant General Jacques Musemakweli wayoboraga ingabo zirwanira ku butaka, yagizwe Umugaba Mukuru w’Inkeragutabara(Reserve Force Chief of Staff), asimbura kuri uwo mwanya Major General Aloys Muganga, we wagizwe umuyobozi w’ishami rishinzwe imodoka z’intambara (Commander of the Mechanised Division).

Itangazo ryatanzwe n’Igisirikare cy’u Rwanda, tariki 09 Mata 2019, rivuga ko izo mpinduka zahise zitangira gukurikizwa.

Musubize