Neymar yahagaritswe imikino itatu n’impuzamashyirahamwe y’umupira w’amaguru ku mugabane w’Uburayi (UEFA) nyuma yo kugaragaza imico mibi mu mikino y’uburayi iheruka ubwo ikipe ye yari itsinzwe na Manchester United.

Uyu mukinnnyi w’icyamamare mu ikipe y’Igihugu ya Brazi no muri Paris saint Germain yo mu Bufaransa yatutse umusifuzi nyuma yaho ikipe ye ya Paris Saint Germain yari imaze gusezererwa na Manchester United yo mu Bwongereza mu mikino ya Champions league muri kimwe cy’umunani cy’irangiza.

Uyu mukinnyi yahagaritswe imikino 3 mu marushanwa y’amakipe yabaye ayambere iwabo ku mugabane w’Uburayi umwaka utaha w’’imikino. Iyi mikino yahagaritswe ingana na kimwe cya kabiri cy’imikino y’amatsinda muri aya marishanwa.

Ubutumwa butuka umusifuzi Neymar yabucishije ku rubuga rwe rwa Instagram nyuma yaho ikipe ye yari imaze gutsindwa na Manchester United ibitego bitatu kuri kimwe inasezererwa muri iri rushanwa kandi umukino ubanza yari yawutsinze bibiri ku busa mu Bwongereza yari yizeye gukomeza mu cyiciro gikurikiraho.

Kuko Paris Saint Germain yasezerewe mu mikino y’uyu mwaka iyi mikino Neymar azayisiba mu mwaka utaha w’imikino.

Musubize