Omar al-Bashir wahoze ari Perezida wa Sudan yageze mu rukiko i Khartoum mu murwa mukuru aho ari kwisobanura ku byaha bya ruswa akurikiranwaho bitumye amaze n’igihe afunzwe.

Ku rukiko ari kubaraniramo hagaragaye  hacungiwe umutekano mu buryo budasanzwe.

Omar al-Bashir nyuma yuko ahirikiwe ku butegetsi muri Mata uyu mwaka mu rugo iwe bahasanze  imifuka yuzuyemo amamiliyoni y’amadolari y’Abanyamerika bikekwako ari umutungo w’Igihugu yanyereje.

Kumviriza Omar al-Bashir mu rukiko byatangiye mu kwezi gushize ariko urubanza ruhita rusubikwa nyuma yaho byari bimaze kumenyekana ko yagize ibyago agapfusha nyina umubyara.

Bawe mu bakurikiranira hafi ibya politiki muri iki Gihugu bavga ko nubwo Bashir yahamwa n’ibi byaha ari gukurikiranwaho icyo yahanishwa ari ugucibwa amafaranga. Gusa abaharanira uburenganziza bw’ikiremwa muntu bo bavuga ko Bashiri azahura n’ibirego byinshi mu gihe ubutegetsi muri iki gihugu buzaba bwamaze gufatwa n’abaturage burekuwe n’igisirikare kibufite ubu.

Iki gisirikare kandi nicyo cyane guha Omar al-Bashir urukiko mpuzamahanga mpanabyaha rwamushakaga imyaka myinshi rumukurikranyeho byaha birimo guhohotera uburenganzira bw’ikiremwa muntu byakorewe mu ntara ya Darfour.

Habarurwa abari hagati y’ibihumbi 200 na 400 biciwe muri iyi ntara n’abarenga miliyoni 2.5 bava mu byabo mu ntambara bashinja Omar al-Bashir wari perezidfa w’iki Gihugu kuba yarayigizemo uruhare.

Musubize